Qashqadaryo viloyati ichki ishlar organlari faoliyatida ham kriminogen vaziyatni jilovlash, jinoyatlarning oldini olish va fosh etish, jamoat tartibini saqlash, fuqarolar xavfsizligini taʼminlashda axborot texnolo­giyalaridan samarali foydalanilmoqda. Bunda aloqa kommunikatsiyalari va axborot uzatish tuzilmalarining shisha-tolali aloqa tarmoqlariga oʻtilganligi tezkorlikni taʼminlashda qoʻl kelmoqda. Xususan, raqamli telefon, video internet tarmogʻi, raqamli, modemli telefon tarmoqlari, GSM uyali aloqa kanallari hamda ultra-qisqa toʻlqinli radio tarmoqlari tezkorlikda ishlamoqda. 

Viloyat hududida «Xavfsiz turizm», «Xavfsiz shahar», «102» yagona navbatchilik-dispetcherlik xizmati», «Obod va xavfsiz mahalla», «Xavfsiz hudud», «Xavfsiz transport» appa­rat-dasturiy kompleks loyihalari amalga oshirilib, shahar-tuman IIBlariga innovatsion va zamonaviy axbo­rot-kommunikatsiya texno­logiya­lari joriy etilmoqda. Jumladan, Ichki ishlar boshqarmasi, shahar-tuman IIB navbatchilik qismlari, HPB, Tergov boʻlimi, JQB, T va EQKB hamda hisob qayd etish guruhlari IIVning korporativ tarmogʻiga ulanib, «Maʼmuriy jazoga tortilgan shaxs­larning yagona maʼlumotlar bazasi» yordamida shaxs­larning maʼmuriy huquqbuzarlik sodir etganlik uchun javobgarlikka tortilganligini tekshirish, «AIB-Oʻzbekiston» maʼlumotlar bazasi, «Elektron pochta», «Jinoyat huquqiy statistika», «E-material» elektron bazalari va ichki ishlar organlariga olib kelin­gan fuqarolar­ning oʻz vaqtida shaxsini aniqlash uchun oʻrnatilgan «Pasport-Viza» AATM axborot tizimi orqali tegishli soʻrovnomalarni toʻgʻridan-toʻgʻri tekshirish yoʻlga qoʻyildi. 

Shuningdek, Oʻzbekiston Res­publikasi Oliy sudi, Axborot texnologiyalari va kommunikatsiyalarini rivojlantirish vazirligi va Ichki ishlar vazirligi tomonidan 2021-yil 11-fev­ralda tasdiqlangan yoʻl xaritasiga muvofiq, huquqbuzarliklar profilaktikasi inspektorlarining sud jarayonla­rida masofadan turib ishtirok etishini taʼminlash yuzasidan viloyat hududi­dagi 768 ta huquq-tartibot maskaniga «TEMobile» videokonferensaloqa dasturlari oʻrnatildi. 

IIVning tegishli farmoyishi va buyruqlari ijrosini taʼminlash maq­sadida viloyat IIB quyi tizimidagi shahar-tuman IIB (IIOFMB)larida jami 25 ta Alohida maxsus xona tashkil etilgan boʻlib, barchasida kuzatuv kameralari oʻrnatildi. Hozirda ulardan 19 tasining kuzatuv kameralari viloyat Navbatchilik qismiga hamda IIVning Situatsion markaziga integ­ratsiya qilindi.

Jasur TOʻRAYEV,

mayor.

Qashqadaryo viloyati.