Ishki isler taraӯindagʻi өzgerislerdiң әmeliy nәtiyjesin xalqimiz өziniң kүndelik turmisinda hәr dayim seziӯi, seziniӯi shәrt.
Shavkat MIRZIYOYEV
BIYBAHA BAYLIQ
...Yerte taң. Altin gүzdiң kөrinisi өzgeshe. Paytaxit hәr dayimgʻiday gʻala-gʻaӯir, adamlar tap qumirsqalarday qayaqqadur asigʻadi. Mәhәlle keңsesinde basliq Qadir agʻa, profilaktika inspektori Nozimjon bүgingi is-rejelerin mәslәhәtlesip atir yedi. Olar birinshi nәӯbette yeki tinishsiz shaңaraqti kelisimge keltiriӯ lazim degen sheshimge keldi. Duris, shaңaraq Ӯatan ishindegi kishi ӯatan, oniң tinishligʻi jurt tinishligʻina baylanisli.
Xalqimizda «Tinishliq penen yel kөgerer, jamgʻir menen jer kөgerer» degen naqil bar. Haqiyqatinda da, insanlargʻa tinishliqtan kөre tatli, әziz inam joq. Jurt tinishsiz bolsa, toy-tamasha, quӯanish, oyin-kүlki tatimaydi. «Inam qәdiri jogʻalgʻanda bilinedi» deydi. Hәzirgi kүnde dүnyaniң tүrli aymaqlarinda өzara kelispeӯshilik, urislar aqibetinde qanshadan-qansha adamlar jәbir shegip atirgʻanina gүӯa bolip atirmiz.
Yeldiң dәrt-tәshiӯishinde
Ulli babamiz Әliysher Naӯayi tөmendegi mәlim hәm ataqli bayitin yesleyik
Nafʼing agar xalqqa beshakdurur,
Bilki, bu nafʼ oʻzunga koʻprakdurur.
Bul: «Yeger xaliqqa paydaң tiyse, bilip qoy, buniң өziңe paydasi kөbirek»-degeni. Haqiyqatinda da, bүgingi kүnde ishki isler organlarinda xaliq dәrti tәshiӯishi menen jasaytugʻin, xaliqshil xizmetkerler xizmet yetpekte. Mәmleketimizde Prezidentimiz basshiligʻinda ishki isler organlari jumisin pүtkilley jaңa, zamanagөy dәrejege kөteriӯ, taraӯ xizmetkerleriniң xaliq penen turaqli baylanisi hәm birge islesiӯin jәne de bekkemleӯ, taraӯdi xaliqshil dүzilmege aylandiriӯ boyinsha tүpkilikli reformalar әmelge asirilmaqta.
Atap aytqanda, «Abat hәm qәӯipsiz mәhәlle» printsipin әmeliyatqa yengiziӯ sheңberinde xaliqtiң arasinda jinayatshiliqqa qarata kelisimsizlik sezimin kүsheytiӯ ilajlari kөrilip atirgʻani hәm de jinayatishiliqti «mәhәllebay» tiykarinda jilaӯlaӯ mexanizmi jaratilgʻani unamli nәtiyje bermekte. Soңgʻi jillarda bәrshe mәhәllelerde qәӯipsiz, tinish hәm qәterjam ortaliq jaratiӯ ilajlari kөrilip atirgʻani aymaqlarda aldiңgʻi tәjiriybe hәm әmeliyatlardiң jolgʻa qoyilip atirgʻanin ayiriqsha atap өtiӯ lazim.
Profilaktika, Patrul-post hәm Probatsiya taraӯi xizmetkerleriniң jumisina zamanagөy sanli texnologiyalar hәm texnikaliq qurallardi keң tүrde yengiziӯ, olardiң bilim dәrejesin asiriӯ arqali aymaqlarda qәӯipsiz ortaliqti jaratiӯ boyinsha kompleks is-ilajlar өtkerilmekte. Әsirese, huqiqbuzarliqqa qol uriӯi yaki onnan jәbirleniӯi mүmkin bolgʻan puqaralardi profilaktika inspektorlari өz ӯaqtinda aniqlaӯi hәm payda bolgʻan mashqalalardi «mәhәlle jetiligi» tәrepinen unamli sheshiliӯi ushin jәmiyetlik profilaktika sistemasi hәm oniң sotsialliq-huqiqiy mexanizmleri jaratildi.
Sonday-aq, jinayatishiliqqa qarsi gүresiӯ, jәmiyetke qәӯipli qilmislardi pash yetiӯ hәm huqiqbuzarliqlardiң yerte aldin aliӯ boyinsha qatnasiqlar tүpten өzgertildi. Taraӯdagʻi hәr bir basshi hәm xizmetkerdiң kүndelikli xizmet barisinda tsifra hәm protsentler artinan quӯiӯ yemes, bәlkim puqaralardiң haq-huqiqlarin әmelde qorgʻaӯ birinshi gezektegi ӯaziypagʻa aylanbaqta.
Taraӯ xizmetkerleriniң abiroy-itibarin, hүrmetin, imijini arttiriӯ, olardiң juӯapkershiligi hәm kәsiplik qәbiletin joqarilatiӯ boyinsha da qatar unamli nәtiyjeler qolgʻa kirgizildi. Jinayatshiliqtiң jaңa kөrinislerine qarsi gүresiӯ ushin olarda zәrүr kөnlikpeler qәliplestirip kelinbekte. Taraӯdi toliq sanlastiriӯ bagʻdarinda әhmiyetli qәdemler qoyildi.
Jinayatshiliq hәm huqiqbuzarliqlardiң yerte aldin aliӯ, jәmiyet tәrtibi hәm xaliqtiң qәӯipsizligin tәmiyinleӯge qaratilgʻan yeki basqishtagʻi «Qәӯipsiz hәm salamat jurt» operativ-profilaktika ayligʻi өtkerilip, aldi aliniӯi lazim bolgʻan jinayatlardiң 39 protsentke kemeyiӯine yerisildi. Aymaqlarda respublika huqiq qorgʻaӯ uyimlari basshilariniң kөshpeli qabillaӯlari, xaliq penen tikkeley ushirasiӯlari turaqli өtkerilip barilmaqta.
Insan kelbetindegi ulli tuygʻi
Ӯatansүyiӯshilik insanniң ata-babalarina, ar-namisina, milletine tereң hүrmeti, hүjdanina, minnetine sadiqligʻinda kөrinedi. Jәne ol insan kelbetine qosip jaratilgʻan ulli tuygʻi sipatinda өzlikkke sadiqliqtan kүsh aladi, jetilisedi. Bүgin Jaңa Өzbekstan quriӯdi maqset yetken xalqimiz usinday әjayip tuygʻilar menen jariq mәnzillerge umtilmaqta. Өz tәgʻdirin jurt tәgʻdirine sibaylas dep bilgen ӯatanlaslarimiz bul tuygʻidan kүsh-quӯat almaqta.
Usi yeldiң perzenti bolgʻan ishki isler organlari xizmetkerleri jurt tinishligʻi, raӯaji hәm abadanligʻi jolinda bar bilim hәm de qәbiletin jumsap kelmekte. Olar Ӯatan tinishligʻi, xaliqtiң qәterjamligʻi jolinda janin pidә yetiӯge de tayar.
Bүgingi kүnde ishki isler organlari өzine jүkletilgen ӯaziypalardi orinlaӯgʻa turarliq, ruӯxiy jetik, fizikaliq jaqtan shiniqqan, maman xizmetkerler menen toltiriӯ ilajlari kөrilmekte.
Әsirese, taraӯ xizmetkerleri ortasinda «Yeң jaqsi aymaqliq ishki isler organlari basligʻi», «Yeң jaqsi ekspert-kriminalist», «Yeң jaqsi tergeӯshi», «Yeң jaqsi profilaktika inspektori», «Yeң jaqsi operativ xizmetker», «Tumaris izbasarlari», «Yeң jaqsi ustaz», «Yeң jaqsi nuraniy xizmetker», «Yeң jaqsi ruӯxiy-agʻartiӯshiliq jumislar үgit-nәsiyatlaӯshisi», «Yeң jaqsi kitapqumar» siyaqli onlagʻan taңlaӯlar turaqli rәӯishte өtkerip kelinbekte. Usi taңlaӯlarda jildan-jilgʻa өz kәsibiniң sheber ustalari aniqlanbaqta.
Joqari ruӯxiyliq, joqari kәsiplik sheberligi
Barliq taraӯlarda bolgʻani siyaqli ishki isler taraӯinda da joqari mamanliqqa iye, zamanagөy pikirleytugʻin, өz ӯaziypasina, Ӯatanina hәm xalqimizgʻa sadiq bolgʻan kadrlar reformalar tәgʻdirin belilep beredi. Sol mәniste, mәmleketimiz өz raӯajlaniӯin sheshiӯshi basqishina kөterilip atirgʻan bүgingi sharayatta hәr bir xizmetkerden jeterli bilimge iye boliӯ, sөylesiӯ hәm mәmile mәdeniyatin arttiriӯ, hәr qanday qiyin jagʻdayda da duris qarar qabil yetip, juӯapkershiligindegi ӯaziypalardi shin keӯilden atqariӯ ushin өz үstinde tinimsiz isleӯ talap yetiledi.
Kәsiplik mәdeniyat hәm xizmet intizami kodeksinde taraӯ xizmetkerlerine qoyilatugʻin tiykargʻi talaplar qatarinda mәmile mәdeniyatina әmel yetiӯ, mүrәjat yetken shaxsti itibar menen tiңlaӯ, qopalliq penen biypәrӯaliqqa kelisimsiz mүnәsibette boliӯ, halatqa qalis hәm hүjdaniyliq penen qatnasta boliӯ arqali jeke үlgi kөrsetiӯi lazimligʻi da belgilengen.
Bir sөz benen aytqanda, өz kәsibin jaqsi kөretugʻin, xizmet ӯaziypasina sadiq, yel tinishligʻi, xaliq mәpi ushin xizmet yetiӯdi joqari maqseti dep biletugʻin shin mәnistegi xizmetkerler ishki isler organlari juӯapkershiligine jүkletilgen jumislardi nәtiyjeli, maqtanish penen orinlaӯda sheshiӯshi әhmiyetke iye. Bundaylar bolsa taraӯda kөpshilikti quraydi.
Azizjon FAYZIYEV,
podpolkovnik.
Aӯdarmalagʻan Azamat PIRNIYAZOV.