Mәmleket gʻәrezsizligi-bul xaliqtiң өz keleshegin өzi belgileӯ huqiqi yesaplanadi. Bul huqiq bәrsheniң өz jurti hәm xalqi aldindagʻi juӯapkershiliginde aңlatadi.
Gʻәrezsizlik jәriyalangʻannan berli өzbek xalqi өz tәgʻdirin өzi gʻәrezsiz tәrizde belgileӯden ibarat bolgʻan huqiqti nәtiyjeli әmelge asirip kelmekte. Pidәkerlik gүres juӯmagʻi bolgʻan gʻәrezsizlik әsirler daӯaminda oniң ushin gүresip kelgen xaliqqa keң tariyxiy imkaniyatlar aship berdi. Gʻәrezsizliktiң dәslepki jillari Өzbekstanda jedel milliy mәmleket qurilisi, xaliqtiң milliy өzligin aңlaӯdiң kүsheyiӯi, kөp әsirlik ruӯxiy-әdep ikramliq qәdiriyatlardiң qayta tikleniӯ dәӯiri boldi.
Gʻәrezsizlik Өzbekstan xalqina qәddin bәlent tutiӯ, өz jeriniң haqiyqiy iyesi dep seziniӯ, өzbek xalqina shin mәniste qәdir-qimbat tuygʻisin, til hәm ruӯxiyligʻin qaytariӯ imkaniyatin berdi. Gʻәrezsizlik Өzbekstan әӯel bastan milliy mәmleket qurilisiniң tiykargʻi bagʻdari sipatinda demokratiyaliq qәdiriyatlardi, shaxstiң huqiq hәm yerkinliklerin tәmiyinleӯ, yerkin bazar ekonomikasin payda yetiӯ jolin taңladi.
Hәzirgi dүnya globallasiӯi barisinda hәr bir mәmleket өzligin saqlap qaliӯi, өziniң gʻәrezsiz siyasatin jүrgiziӯi үlken hәm qiyin mәsele. Biraq, Өzbekstan buni әmelge asirmaqta. Bul haqiyqatti Prezidentimizdiң abiroyli xaliq araliq әnjumanlarda bildirip atirgʻan әhmiyetli mәselelerdegi әmeliy usinislari xaliq araliq kөlemde tәn alinip atirgʻani dәlillep tur.
Bүgingi kүnde pүtkil xalqimizdiң qәlbinen tereң orin algʻan, uliӯma milliy hәreketke aylanip baratirgʻan «Jaңa Өzbekstan» ideyasi negizinde ulli hәm jetik babalarimizdiң arziӯ-umtilislari hәm әrmanlari jәmlengen.
Hәzirgi ӯaqitta mәmleketimizde әhmiyetli Oyaniӯ protsessi jүz bermekte. Soniң ushin «Jaңa Өzbekstan» hәm «Үshinshi Renessans» sөzleri turmisimizda өzara uygʻin hәm birge jaңlamaqta, xalqimizdi ulli maqsetlerge qaray ruӯxlandirmaqta. Jurtimizdiң jamali tez pәtler menen өzgerip, kүndelikli turmisimizda jaңasha mүnәsibetler, jaңa imkaniyat hәm qәdiriyatlar qәliplesip atirgʻanin hәr qashangʻidan kөbirek sezinbektemiz. Әsirese, «insan huqiq hәm yerkinlikleri», «nizam үstinligi», «ashiqliq hәm әshkaraliq», «sөz yerkinligi», «din hәm isenim yerkinligi», «jәmiyetshilik qadagʻalaӯi», «gender teңlik», «jeke mүlik qol qatilmasligʻi», «ekonomikaliq xizmet yerkinligi» siyaqli fundamental demokratiyaliq tүsinikler hәm turmisliq kөnlikpeler hәzirgi ӯaqitta realliqqa aylanip baratirgʻani itibargʻa ilayiq.
Xalqimiz turmisinda mәjbүriy miynet, atap aytqanda, balalar miyneti, jumissizliq, kәmbagʻalliq, korruptsiya, xaliqti үy-jay menen tәmiyinleӯ, tәlim hәm meditsina menen baylanisli mashqalalar bar yekenligi ashiq tәn alinip, olar keң jәmiyetshilik penen birge saplastirilmaqta. Bүgin adamlarda әdillikke, haqiyqatqa isenim payda bolmaqta. Olar tүrli dәrejedegi basshi hәm laӯazimli shaxslardiң jumisina qalis baha bermekte, kemshiliklerin ashiq singʻa almaqta.
Mәmleketimiz basshisi atap өtkenindey, bүgin jәhәn kөleminde jurtimiz haqqinda sөz yetilgende « Jaңa Өzbekstan» ibarasi tilge alinbaqta. Bul keyingi jillarda raӯajlaniӯdiң pүtkilley jaңa basqishina qәdem qoygʻanimiz, yerisilip atirgʻan salmaqli jetiskenliklerimizdiң tәn alingʻani yesaplanadi.
Өtken tariyxiy qisqa dәӯirde mәmleketimizdiң Orayliq Aziya hәm jәhәn kөlemindegi siyasiy orni hәm abiroyi keskin artti. Dүnyada Jaңa Өzbekstangʻa bolgʻan isenim ruӯxi hәm mәmleketimiz benen birge islesiӯge umtilislar kүsheydi. Jurtimizda tinishliq hәm turaqliliqti bekkemleӯ, insan huqiqlari, yerkinlik hәm mәplerin әmelde tәmiyinleӯ, bazar ekonomikasi printsiplerin raӯajlandiriӯ arqali xaliq abadanshiligʻin asiriӯ, sirtqi siyasat jөnelisinde Orayliq Aziya aymagʻinda dosliq hәm birge islesiӯ ruӯxin kүsheytiӯ, dүnyadagʻi raӯajlangʻan mәmleketler qatarina kiriӯ Jaңa Өzbekstanda әmelge asirilip atirgʻan reformalardiң bas maqseti yetip belgilendi.
Birinshi nәӯbette, qoңsi mәmleketler menen mүnәsibetlerimizde jillar daӯaminda jiynalip qalgʻan mashqalalar sheshildi. Shegaralar ashildi. Qoңsi-qoңsisi menen, agʻa-inisi, ata-balasi, agʻayin-agʻayini menen үzilip qalgʻan baylanislardi tiklep, bir mәmleketten yekinshi mәmleketke yemin-yerkin barip kele basladi. Saӯda-ekonomikaliq hәm mәdeniy-gumanitar baylanislarimiz jedel raӯajlanip barmaqta.
Jәne bir әhmiyetli tәrepi sonda, Өzbekstan bүgin өziniң uzaqti gөzlegen siyasati menen aymaq hәm jәhәndegi siyasiy protsesslerdiң belsendi qatnasiӯshisina aylandi. Birlesken Milletler Shөlkemi, Parlamentler araliq Aӯqam, Yevropa Aӯqami, Yevropada qәӯipsizlik hәm birge islesiӯ shөlkemi, Shanxay birge islesiӯ shөlkemi, Gʻәrezsiz Mәmleketler Dosliq Aӯqami, Islam birge islesiӯ shөlkemi siyaqli xaliqaraliq hәm kontinentler araliq shөlkemler menen birge islesiӯimiz jaңa basqishqa kөterildi.
Mәlim bolgʻaninday, usi dәӯir- «Jaңa Өzbekstan», «Өzbekstan raӯajlaniӯiniң jaңa basqishi» degen atlar menen Ӯatanimiz tariyxinda, jәhәndegi birge islesiӯ mүnәsibetlerimiz barisinda jүdә әxmiyetli orin iyelep kelmekte. Bul dәӯir-Өzbekstandi, jәmiyetimiz turmisindagʻi siyasiy-jәmiyetlik, ekonomikaliq mүnәsibetlerdi pүtkilley өzgertken, mәmleketimizdi jaңa demokratiyaliq tәrizde әlemge tanitqan dәӯir yesaplanadi.
Әdette, mәmleketimizde әmelge asirilip atirgʻan reformalar haqqinda sөz yetilgende, mәmleketimiz basshisi kemtarliq penen «Biz yele izleniӯdemiz, үyrenbektemiz», dep bul jolda aldimizda bir-birinen әhmiyetli ӯaziypalar turgʻanin atap өtti. Haqiyqatinda da, hәzirgi ӯaqitta yelimizde mәmleket basshisinan baslap bәrshe buӯindagʻi basshilar jaңasha shәrayat, jaңasha ortaliqta isleӯge, izlenip, үyrenip, xaliq penen turaqli baylanis ornatiӯ tiykarinda jumis alip bariӯgʻa umtilmaqta.
Jaңa Өzbekstan-үlkenlerge hүrmet, kishilerge izzet, jәrdemge mүtәj insanlar hәm shaңaraqlargʻa-shin mәniste kөmek hәm jәrdem beriӯ, mehir-aqibet kөrsetiӯ turmisimiz qagʻiydasina aylanip baratirgʻan sotsialliq mәkan yesaplanadi. Sotsialliq mәmleket quriӯdan maqset, birinshi nәӯbette, hәr bir puqaraniң mүnәsip turmis sipati hәm dәrejesine yerisiӯden ibarat.
Mәmleketimiz basshisiniң sөzi menen aytqanda «Jәmiyet turmisiniң denesi ekonomika bolsa, oniң jani hәm ruӯxi-agʻartiӯshiliq. Biz jaңa Өzbekstandi quriӯda әyne usi yeki bekkem үstinge, yagʻniy, bazar printsiplerine tiykarlangʻan kүshli ekonomikagʻa hәm babalarimizdiң bay miyrasi, milliy hәm uliӯma insaniyliq qәdiriyatlargʻa sүyengen kүshli mәnaӯiyatimizgʻa tayanamiz».
Gʻayratulla Shukurov.
Aӯdarmalagʻan Azamat Pirniyazov.