Юртимиз ёшларини ҳарбий ватанпарварлик руҳида тарбиялаш, уларнинг қалбида она юртга бўлган меҳр-муҳаббат ва садоқатни янада кучайтириш ҳамда келажагимиз эгаларининг ёзги дам олиш кунларини мароқли ўтказиш мақсадида ИИВ Қоровул қўшинларига қарашли пойтахтимизда жойлашган 7531-ҳарбий қисмда ҳам “Ватанпарварлик оромгоҳи” ташкил этилди.
Шу муносабат билан, бу ерга ташриф буюрган ўқувчи-ёшлар турли спорт ўйинлари, ҳарбий техника ва қурол-аслаҳалар кўргазмаси, ҳарбий қисмда она юртимиз осойишталик посбонлари учун яратилган шарт-шароитлар билан яқиндан танишишди.
Бундан ташқари, шаҳримиздаги диққатга сазавор жойларга ҳам саёҳат уюштирилиб, ёшларнинг ҳарбий соҳага бўлган қизиқишларининг янада ортишига эришилди.
Михли САФАРОВ,
“Постда” мухбири.