Тошкент ахборот технологиялари университети Қарши филиали академик лицейида хотин-қизлар ўртасида ижтимоий-маънавий муҳит барқарорлигини таъминлаш, жиноятчилик ва ҳуқуқбузарликларнинг олдини олиш юзасидан тадбир бўлиб ўтди. Унда Қарши шаҳар ИИОФМБ ходимлари, лицей ўқитувчилари иштирок этди.
Тарғибот тадбирида сўз олганлар кейинги пайтларда айнан хотин-қизлар ўртасида ҳуқуқбузарлик ва жиноятлар содир этилиш ҳолатлари кузатилаётгани, бу каби салбий ҳолатларнинг барвақт олдини олиш, оилаларда соғлом турмуш тарзини қарор топтириш хусусида ўз фикр-мулоҳазаларини билдиришди.
Якунда иштирокчиларнинг саволларига мутахассислар атрофлича жавоб беришди.
Наргиза МАҚСАДОВА,
лейтенант.
Қашқадарё вилояти.