Бухоро вилояти ички ишлар органлари ходимлари ўртасида “Энг яхши ҳудудий ички ишлар органи бошлиғи” танловининг вилоят босқичи ўтказилди. Танловда иштирокчилар тест ва савол-жавоблар, оғзаки суҳбат, жисмоний ва жанговар тайёргарлик даражаларини аниқлашга қаратилган синовлар топширишди.
Танлов натижаларига кўра, Қоракўл тумани ИИБ бошлиғи, подполковник Жамшид Расулов 1-ўринни эгаллади ва танловнинг республика босқичига йўлланмани қўлга киритди. Шунингдек, Олот тумани ИИБ бошлиғи подполковник, Жамшид Тангриев иккинчи ўрин, Қоровулбозор тумани ИИБ бошлиғи, подполковник Фарҳод Вафоев учинчи ўринга лойиқ топилди.
Ғолиблар диплом ва пул мукофотлари билан рағбатлантирилди.
У.ЎТАЕВ,
подполковник.
Бухоро вилояти.