Халқимиз азалдан гўзаллик ва нафосат тимсоли бўлган мўътабар онахонларимиз ҳамда дилбар опа-сингилларимизга алоҳида ҳурмат-эҳтиром кўрсатиб келган.
Жумладан, барча жойларда бўлгани каби Қорақалпоғистон республикаси ИИВ томонидан ҳам 8-март – “Халқаро хотин-қизлар куни”га бағишлаб, тантанали тадбир ўтказилди.
Унда мазкур ҳудуд ички ишлар органлари тизимида хизмат қилаётган хотин-қизлар, шунингдек, фахрийлар иштирок этишди. Тадбир аввалида сўз олган Ўзбекистон республикаси Ички ишлар вазири ўринбосари, генерал-маёр А.Икрамов Ички ишлар вазири, генерал-лейтенант П.Бобожоновнинг байрам муносабати билан соҳа маликаларига йўллаган табригини ўқиб эшиттирди.
Шундан сўнг сўзга чиққан Қорақалпоғистон Ички ишлар вазири, полковник А.Оринбаэв эркаклар билан бир сафда юрт тинчлиги, унинг осойишталигини таъминлаш, жиноятчиликнинг олдини олиш ва унга қарши курашишда фидойилик намуналарини кўрсатиб келаётган мунис аёлларни ушбу сана билан қизғин муборакбод этди.
Бундан ташқари, хизматда юқори натижаларга эришиб келаётган бир гуруҳ хотин-қизларга Ўзбекистон Ички ишлар вазирлигининг буйруғи билан фахрий ёрлиқ, кўкрак нишони, эсдалик қўл соати ҳамда пул мукофотлари топширилди.
Кўтаринки руҳда ўтган мазкур тадбир якунида эса, республика маданият ходимлари ҳамда вазирлик “Орол юлдузлари” ансамбли хонандаларининг консерт дастури йиғилганларга хушнудлик бахш этди.
Қорақалпоғистон Республикаси ИИВ Ахборот хизмати.