Ўтган давр мобайнида ҳамкорликда бандлиги таъминланмаган фуқаролар ишга жойлаштирилиб, маҳалланинг деярли барча жойларига кузатув камералари ўрнатилди. Шу­нингдек, тунги рейдлар ташкил этилиб, қонунбузарликларнинг олди олинди. Натижада, криминоген ҳудудлардан ҳисобланган ушбу манзилда жиноятлар сони кескин камайиб, аввалига «сариқ», кейин «яшил» тоифадаги ҳудудлар сирасига киритилди. 

– Маҳалла ҳудудида 53 та меҳмон уйи ташкил этилган, яна юздан ортиғи фаолиятини бошлаш арафасида. Бу аҳолини иш билан таъминлаш, натижада ҳуқуқбузарлик ва жиноятчиликка барҳам бе­ришда катта аҳамият касб этади, – дейди маёр Ғофур Бегабоев. 

Ички ишлар органларидаги 13 йиллик фаолиятининг барчасини профилактика хизматига бағишлаган лавҳамиз қаҳрамони устози, истеъфодаги подполковник Дилмурод Тўраевдан касб сирларини ўрганиб, тажрибасини бойитди. Шунингдек, бокс билан ёшлигидан шуғулланиб, спорт усталигига номзодликни қўлга киритди, кикбокс бўйича эса ИИ даража соҳибига айланди.

Ҳозирда турмуш ўртоғи Зулфияхон билан 3 ўғилни вояга етказаётган маёр Ғ.Бегабоев хизматдан сўнг фарзанд­ларида китоб­га бўлган меҳрни кучайти­риш мақсадида улар мутолаа қилган адабиётлар бўйича фикр алмашади. 

Михли САФАРОВ,

ўз мухбиримиз.

Тошкент вилояти.