Кун қаҳрамони
Шофиркон тумани ИИБ ходимлари айни кунларда ўтказлаётган “Қорадори–2024” тезкор профилактик тадбирида фаол қатнашмоқда. Тадбирлар давомида гиёҳванд моддалар билан қонунга хилоф равишда муомала қилишга доир бир қатор жиноий ҳолатларга чек қўйилди.
Яқинда “Мазлахон Чандир” маҳалла фуқаролар йиғини профилактика катта инспектори, маёр Фаррух Иргашев шу ҳудудда яшовчи Қ.Б.нинг томорқа ерида 34 туп каннабис гиёҳвандлик ўсимлигини етиштирганлигини аниқлади. Шунингдек, унинг яшаш хонадони кўздан кечирилганда, 435 грамм марихуана гиёҳвандлик воситаси чиқди.
Маёр Фаррух Иргашев икки йилдан бери маҳалла фаоллари билан оғзи бирликда ишлаб келяпти. Уларнинг хонадонма-хонадон юриб, олиб бораётган тарғиботу ташвиқот, профилактик ишлари натижасида маҳалла “яшил” тоифада. Маҳалланинг 1130 тадан ортиқ оиласи ишли, касб-корли. Қолаверса, деҳқончилик ва чорвачилик борасида қўшни маҳаллаликларни ортда қолдиришади. Бу ишларда лавҳамиз қаҳрамонининг хизмати катта. Унинг хизматидан эса аҳоли миннатдор.
Мирзоқул АҲАДОВ,
ўз мухбиримиз.
Бухоро вилояти.