Навоий вилояти Қизилтепа туманилик И. Фармонов ҳам оиласи бағрига қайтди. Вилоят ИИБ ЖХХ Пробация бошқармаси ходимлари ҳамкор ташкилотлар вакиллари билан биргаликда унинг хонадонига бориб, моддий-ижтимоий ёрдам кўрсатишди. Суҳбат асносида унга келгусида фойдаланиши мумкин бўлган ҳуқуқлари тушунтирилди. 

– Жазони ўташ даврида озодликнинг қадрига етдим. Мени афв этганликлари учун Президентимиздан чексиз миннатдорман. Энди ҳалол меҳнат қилиб, жамиятда ўз ўрнимни топаман, – дейди И. Фармонов. И. Акбаров гиёҳ­вандлик воситалари савдосига арала­шиб қолгани сабаб жазо ўтаётган эди. Байрам арафасида Юртбошимизнинг Фармони билан озодликка чиқди. Хатосини англаб етгани унинг кўзларидан билиниб турарди.

Навбаҳорлик Ш. Ма­марасулов ҳам давлатимиз томонидан олиб борилаётган инсонпарварлик сиёсатидан бебаҳра қолмади. Унга туман ИИБ пробация гуруҳи ходимлари ҳаёт­га мосла­шишида ҳар томонлама кўмаклашишмоқда. Жумладан, рўзғор учун зарур озиқ-овқат маҳсулотлари берилди. Мабодо келгусида тадбиркорлик фаолияти билан шуғулланадиган бўлса, банкдан қандай қилиб имтиёзли субсидия олиши борасида йўл-йўриқлар кўратилди. 

Ўйламизки, афв этилган юртдошларимиз кечиримлиликнинг қадрига етиб, яратилган имкониятлардан фойдаланиб, ўзларига билдирилган ишончни оқлайдилар.  

Маҳлиё ХОЛОВА,

ўз мухбиримиз.