Якка тадбиркорлик фаолияти билан шуғулланадиган Б.М 2019-йилда туман ҳокими қарори билан 16 гектар ерга эгалик қилиш ҳуқуқини қўлга киритган эди. У 10 йил муддатга фойдаланиш, яъни мевали боғ яратиш мақсадида олган ерини сотишга қарор қилди. Бу ишда яқин таниши С.В унга шерик бўлди.
Тасодифни иарангкиё мевали боғ барпо этиб, тадбиркорлик билан шуғулланиш учун ер излаб юрган Т.К уларга дуч келиб қолди. Икки ҳамтовоқ унга 16 гектар ерга яна атрофидаги 16 гектар ерни қўшиб расмийлаштириб беришларини айтишди. Шунингдек, ер суғориш учун ишлатиладиган насосни электр таъминоти назоратчиси билан гаплашиб, энергия харжини кам ҳисоблайдиган қилиб беришни ҳам ваъда қилишди. Бунинг эвазига эса 25 минг Ақш доллари сўрашди.
Тумандаги чойхоналарнинг бирида Б.М ва С.В келишилган пулнинг бир қисмини – 15 минг Ақш долларини олаётган пайтида Навоий вилояти ИИБ ТҚХ ЖҚБ Коррупсия ва иқтисодий жиноятларга қарши курашиш бўлими ходимлари томонидан тегишли идоралар вакиллари билан ҳамкорликда ўтказилган тезкор тадбир чоғида қўлга олинди. Ноқонуний ер сотишга уринганларга нисбатан Ўзбекистон Республикаси Жиноят кодексининг 168-моддаси (Фирибгарлик) 4-қисми билан жиноят иши қўзғатилди. Ҳозирда дастлабки тергов ҳаракатлари олиб борилмоқда.
Маҳлиё ХОЛОВА,
“Постда” мухбири.
Навоий вилояти.