Бухоро вилояти ИИБ Даволаш профилактика муассасалари Тиббиёт бўлими ходимлари ўртасида “Йилнинг энг яхши тиббий ҳамшираси” республика кўрик-танловининг вилоят босқичи ўтказилди. Танловда билимли, касбий малакаси, шахсий сифатлари билан ажралиб турадиган, меҳнат фаолияти давомида бошқаларга ўрнак бўлиб келаётган 6 нафар ҳамшира беллашди.
Тўртта шарт асосида бўлиб ўтган кўрик-танловнинг якуний натижасига кўра, фахрли биринчи ўринни Мадина Қодирова, иккинчи ўринни Нигина Очилова ва учинчи ўринни Азиза Музаффарова эгаллади. Шунингдек, яна уч нафар тиббий ҳамширалар фаол иштироки учун алоҳида эътироф этилди.
Бундан ташқари, биринчи ўрин соҳибасига кўрик-танловнинг республика босқичига қатнашиш ҳуқуқини берувчи сертификат топширилди. Танлов ғолиблари вилоят ички ишлар бошқармасининг диплом, қимматбаҳо совғалар ва пул мукофоти билан тақдирланди.
Ш.САФАРОВА,
подполковник.
Бухоро вилояти.