Бугунги кунда туманда хотин-қизлар ўртасида жиноятчиликнинг бар­вақт олдини олиш мақсадида аёлларнинг оилавий шароити ва муаммоларини ўрганиб, уларни ижтимоий қўллаб-қувватлашда ҳамкор ташкилотлар билан биргаликда самарали ишлар олиб бормоқда. Мисол учун айтадиган бўлсак, 385 нафар хотин-қизни ишга жойлаштиришда, 83 нафарига тиббий, 35 нафарига моддий, 178 нафарига психологик, 250 нафарига ҳуқуқий ёрдам кўрсатишда жонбозлик кўрсатди. 

Бундан ташқари, 28 нафар хотин-қизнинг тадбиркорлик фаолиятини йўлга қўйишда кўмаклашган бўлса, 95 та ажралиш ёқасига келиб қолган оилаларнинг яраши­шига эришди. Шунингдек, тазйиқ ва зўравонликдан жабрланган 192 нафар хотин-қизга ҳимоя ордери берилди. Шунингдек, ҳамкорликда олиб борилган ту­шунтириш ишлари натижасида 135 та оила яраштирилди, 57 та оиланинг низоси бартараф этилди. Ордер талабини бузган 25 нафар зўравонга нисбатан тегишли тартибда ҳужжатлар расмийлаштириб, жазо муқаррарлиги таъминланди. 

– Ҳаётимни касбимсиз тасаввур этолмайман, – дейди капитан Гули Очилова. – Чунки жамоамиздаги барча ҳамкасбларим менга оға-инидек бўлиб қолишган. Оиламдан эса кўнглим тўқ. Турмуш ўртоғим, Хуршид ака тушунган инсон. У киши бошқа касб соҳиби бўлса-да, хизматимни қадрлайди. Шу боис ҳам зиммамдаги вазифани, берилган топшириқларни бажаришга доимо улгуряпман. 

Мирзоқул АҲАДОВ,

ўз мухбиримиз.

Бухоро вилояти.