Хоразм вилояти Иибда шахсий таркиб ўртасида қонунбузарлик ҳолатлари ҳамда коррупсиянинг олдини олишга бағишланган йиғилиш бўлиб ўтди. Тадбирда бошқарма шахсий таркиби ҳамда соҳавий хизматлар раҳбарлари иштирок этди.
Йиғилишда ИИВ ММИ ва КБТД масъул ходими, подполковник Қ.Шокиров иштирок этиб, ички ишлар органлари ходимлари орасида коррупсия, таъмагирлик каби жирканч иллатларнинг олдини олиш мақсадида олиб борилаётган тарғибот тадбирлари, тушунтириш ишлари ўзининг ижобий самарасини бераётганини аниқ мисолларда таъкидлаб ўтди.
– Коррупсияга қарши курашиш ҳали-ҳамон долзарблигича қолмоқда, –дейди сафдор Сиёвуш Қаландаров. – Кўпларнинг онгида “Пул бермаса иш битмайди”, деган қараш сақланиб қолган. Фуқаролар мансабдор шахсларга пора беришдан олдин ўзининг бу хатти-ҳаракати жиноят эканини англаб етиши керак. Шундай экан, коррупсияга қарши куршишда барчамиз бирдек ҳаракат қилмоғимиз лозим.
Тадбирда сўзга чиққанлар мамлакатимизда коррупсияга қарши курашиш борасида жамоатчилик назорати муҳим ўрин тутиши, бу жараёнда ҳамма янада фаол иштирок этиши зарурлигини билдиришди.
“Коррупсияга қарши курашиш ҳафталиги” доирасидаги бу каби тадбирлар вилоятнинг барча шаҳар ва туманларида бўлиб ўтмоқда.
Худойберган ЖАББОРОВ,
“Постда” мухбири.
Хоразм вилояти.