Капитан Нуриддин Исмоилов 1988 йилда Тошкент шаҳрида таваллуд топган. 2011 йилда Тошкент Архитектура-қурилиш институтини тамомлаган. Ички ишлар органларидаги фаолиятини Тошкент шаҳар ИИББ Патрул-пост хизмати бригадаси 5-баталони 2-отрядида бошлаган. Кейинчалик Мирзо Улуғбек тумани ИИБ ҲПБ профилактика инспектори лавозимига ўтказилган.
Доимо ўз устида ишлайдиган, изланувчан, ташаббускор ҳамда ҳамкасбларига ўрнак бўлган ходимнинг меҳнатлари эътироф этилиб, ёш бўлса-да, Мирзо Улуғбек тумани ИИОФМБ Ташкилий бўлим бошлиғи ўринбосари лавозимига тайинланди.
Шунингдек у билимдонлиги ва зукколиги натижасида бир қатор ютуқларга ҳам эришиб келмоқда. Хусусан, Тошкент шаҳар ИИББ томонидан ўтказилган танловда “Йилнинг энг намунали ташкилий бўлим ходими” номинациясида иккинчи даражали диплом билан тақдирланган. Фуқароларимизнинг ҳуқуқ ва манфаатларини ҳимоя қилиш, жиноятчиликка қарши курашиш ва жамоат тартиби ҳамда хавфсизлигини таъминлашда ўзининг фидокорона хизматлари учун қаҳрамонимизга Мирзо Улуғбек тумани ҳокимлиги томонидан ташаккурнома эълон қилинган. Бундан ташқари, бир неча маротаба фахрий ёрлиқлар олишга ҳам муваффақ бўлган.
Сарвар СОБИРОВ,
“Постда” мухбири.