Ижодий кечанинг бош мақсади осо­йишталик посбонларига юксак эҳтиром кўрсатиш, ходимларда ватанпарварлик туйғусини янада юксалтириш ва улар­нинг оила аъзоларига қувонч улашишдан иборат. Шу билан бирга, тадбирнинг муҳим жиҳатларидан бири – хизмат вазифасини бажа­риш чоғида мардларча ҳалок бўлган ходимларнинг оила аъзоларини маънавий ҳамда моддий қўллаб-қувватлашга қаратилгани бўлди. 

Саҳнада ватанпарварлик ва садоқатни, тинчликнинг қадрини улуғловчи куй-қўшиқлар янгради. Эл суйган таниқли санъаткорлар, эстрада юлдузлари ҳамда истеъдодли хонандалар ўзларининг энг сара ижод намуналарини туҳфа этишди. Шунингдек, байрам дастуридан жой олган таниқли сўз усталарининг чиқишлари, ҳазил-му­тойибаларга бой саҳна кўринишлари барчага хуш кайфият бағишлади. 

Бу каби маънавий-маърифий тадбирлар келгусида соҳа ходимларининг жанговар руҳини ва хизмат самарадорлигини оширишга хиз­мат қилади. 


Аброр ПОЁНОВ,

катта сержант.