Ўтмиш ва келажак ҳақида ўйлаб, камроқ ташвишланинг. Чунки бундай ҳаёллар хавотир ва безовталикни чақириб, бу эса асаб тизими билан боғлиқ муаммоларни келтириб чиқаради.
Тананинг барча аъзолари фаол ишлаётган бўлса, уларни зўриқишдан асранг, вақти-вақти билан улар ҳам дам олсин. Шунда саломатлик ҳолатингиз доимо меъёрида бўлади.
Унутманг, ортиқча таом ва ичимлик истеъмоли тана ҳолати ва саломатлигига салбий таъсир қилади.
Қорин тўлиқ тўймасдан олдин овқатланишни тўхтатинг, чунки тўйганлик ҳақидаги сигнал мияга кечроқ етиб боради. Тамаддидан сўнг сайр қилишга одатланинг. Уйқудан олдин ҳеч нарса емасликка ҳаракат қилинг.
Кам-камдан, аммо тез-тез овқатланинг. Шунда овқат ҳазм қилиш жараёни меъёрда кечади ва ҳазм қилиш аъзолари ортиқча зўриқмайди.
Таом истеъмолига киришишдан олдин чуқур нафас олиб, кўпроқ ҳаво ютинг.
Ҳамиша самимий табассум қилишни, кайфиятни кўтаринки даражада ушлашни ва қалбни меҳр-муҳаббат билан бойитишни унутманг. Бу ҳар қандай касаллик профилактикасидир.
Гулчеҳра АЗИМОВА тайёрлади.