У танишлари орқали ижарага уй топди. Келишилган пул тўланмаса, уйни бўшатиб қўй, дейиши

 тайин. Лобарда ҳам шундай бўлди. Аммо қилган ишидан виждони бироз қийнал­ган уй эгаси танишларининг маслаҳати билан Нарпай тумани ИИБ ЖХХ ҲПБ хотин-қиз­лар масалалари бўйича катта инспектори, катта лейтенант Матлуба Эла­моновага қўнғироқ қилиб, вазиятни тушунтирди. Инспектордан «Дарҳол менга хабар беришингиз керак эди, ҳомиладор аёлга бирон нима бўлса...» деган таъкидни эшит­гач, Лобарни ўзи қидиришга тушди. 

– Биз Лобарни икки фарзанди билан та­ниш опаси­нинг уйи­дан топдик, – дейди катта лейтенант Матлуба Эламоно­ва. – Унинг ой-куни яқин эди. Аёл билан суҳбат жа­раёнида маълум бўлдики, оилада олдиндан келишмовчиликлар бўлган. 

Лобарнинг қайнонаси билан суҳбатлашишганимизда, у келинини ҳам, набираларини ҳам уйига киритмаслигини айтиб, жаҳл билан чиқиб кетди. Шу орада Самарқанд шаҳридаги «Она ва бола» марказида Лобарнинг кўзи ёриди. 

Бугун Лобар Аёлларни ижтимоий ҳимоя қилиш реа­билитация марказида 

3 нафар фарзанди билан яша­япти. Мазкур марказда ҳуқуқий саводхонлиги йўқлиги ва бошқа сабаблар туфайли турмушнинг кўп муштларига дуч келган аёллар учун зарур шарт-шароитлар яратилган. Унга мутасаддилар ва катта лейтенант Матлуба Эламонова туфайли барча ҳужжатлар расмийлаштирилиб берилди. 

– 57 та маҳалладаги 

50 мингдан ортиқ оилаларда 102 минг нафардан зиёд хотин-қизлар истиқомат қилади, – дейди Матлуба Эла­монова. – Мен ана шу хотин-қиз­ларнинг турмуш тарзи, 

яшаш шароити, муаммоларини ўрганиш, мавжуд муам­моларига ечим топишни биринчи галдаги вазифам деб биламан. Ўтган йили тазйиқ ва зўравонликдан жабрланган 119 нафар хотин-қизга ҳимоя ордери берилди. Бузилиш ёқасига келиб қолган 73 та оила яраштирилди. Кўплаб хотин-қизларнинг низолари бартараф этилди.

Лавҳамиз қаҳрамони биз билан суҳбатда аслида оила остонасидан ташқарига чиққан бу тахлит муам­моларни ҳал этиш осон иш эмаслигини таъкидлади. Аммо маҳалла еттилиги, ҳамкор ташкилотлар кўмагида чора-­тадбирлар турли сабаб ва оқибатларга ечим топишда қўл келиб, оилаларда соғлом муҳит ҳукм суришига асосий омил бўлиб хизмат қилаётганини таъкидлади.

Тақдир – синовли йўл. Ким­нинг одимлари равон, кимдир эса нимадир сабаб билан қоқилади. Шундай паллаларда катта лейтенант Матлуба Эламонова сингари эзгу мақсад билан қўл узатгув­чи ходималарнинг борига шукур. 

Гулноза 

ТУРҒУНБОЕВА,

 ўз мухбиримиз.