“Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида”ги Президент қарорининг 2-бандида ички ишлар органларига жамоат хавфсизлигини таъминлаш ва жиноятчиликка қарши курашиш соҳасининг хусусиятларидан келиб чиқиб, ички ишлар органлари шахсий таркибининг жанговар ва жисмоний тайёргарлик даражасини оширишнинг узлуксиз тизимини яратиш кўзда тутилди.
Шунингдек, спорт йўналишида Осиё, жаҳон ҳамда олимпиада мусобақаларида фахрли ўринларни қўлга киритган ички ишлар органлари ходимлари ИИВ Академиясига синов имтиҳонларисиз имтиёзли қабул қилиниши келгусида ҳар бир ходимнинг спорт билан шуғулланишига муҳим омил бўлди.
Бундан ташқари, қарорнинг 4-бандида белгиланганидек, хизматга биринчи марта қабул қилинганларнинг ИИВ Малака ошириш институтида дастлабки уч ойлик бошланғич касбий тайёргарлик курсларини тамомлаганларидан сўнг тегишли лавозимларга тайинланган ходимларнинг Ватаннинг ишончли ҳимоячиси ва профессионал осойишталик посбони бўлишига ҳеч шубҳа йўқ.
Алишер НАЗАРОВ,
Бухоро вилояти ИИБ ТВБСО
командирининг ТИБ ўринбосари, маёр.