Millat yoʻgʻu bori til.
Millat gʻurur, ori til.
Qadri baland, qaddi tik,
Qiymati yuqori til.
Bobomdan meros tilim,
Oʻz-oʻzimga mos tilim.
Qiyosi yoʻq, bebaho,
Podshoh tilim, xos tilim,
Onam allasida sen,
Elim yallasida sen.
Yangragaysan baralla,
Avj pallasida sen.
Xalqimning yuzi-koʻzi,
Koʻnglidek xuddi oʻzi.
Moziydan sado bergan,
Navoiy bobom soʻzi.
Kimdir hurmat qilmasa,
Nazariga ilmasa.
Achinaman, afsuski,
Seni yaxshi bilmasga.
© Jahongir SHAROFBOYEV