ИИВ Халқаро аэропортларда хавфсизликни таъминлаш қўшинларига қарашли Қарши шаҳридаги 7256-ҳарбий қисмда штаб бошлиғи вазифасида фаолият кўрсатган подполковник Ўткиржон Иноятов нафақага кузатилди.
Тадбирни ҳарбий қисм командири, подполковник Ш.Абдураҳмонов очиб, соҳада ўттиз йилдан ортиқ фидойилик билан хизмат қилган Ў.Иноятовнинг хизмат фаолияти ёшлар учун ибрат мактаби эканлигини таъкидлади. Худди шунингдек, тадбирда сўз олганлар унинг осойишталикни мустаҳкамлаш, ҳуқуқбузарлик ва жиноятчиликка қарши кураш борасида самарали хизматини алоҳида эътироф этишди.
Анъанага кўра, тадбирда нафақага кузатилган подполковник Ўткиржон Иноятовнинг елкасига тўн ёпилиб, дўппи кийгизилди.
Содиқ РАҲИМОВ,
“Постда” мухбири.
Қашқадарё вилояти.