Қаҳрамонимиз 1989 йилда Жаззах вилояти Бахмал туманида туғилган. Ички ишлар органларидаги хизмат фаолиятини 2009 йилда Жиззах шаҳар ИИБ ахлоқ тузатиш ишлари йўналишида бошлаган. Айни пайтда у Жиззах вилояти ИИБ ППХ ва ЖЦБ Кинология хизмати фаолиятини мувофиқлаштириш бўлимида гуруҳ командири. Шу билан бирга, ИИВ Академиясининг Сиртқи таълим факултетида таҳсил оляпти.
Ҳусан Бўрибоэв хизмат фаолияти давомида тўрт оёқли ёрдамчиси билан бир қанча ҳуқуқбузарликларнинг олдини олишда, жиноятларни фош этишда жонбозлик кўрсатиб келмоқда.
Хусусан, яқинда катта сержант Ҳусан Бўрибоэв Жиззах шаҳрининг Янгиэр кўчасида ўзига бириктирилган “Бетховен” лақабли хизмат ити билан тадбирда иштирок этаётганида номаълум шахснинг хатти-ҳаракати унинг диққатини тортди. Номаълум шахс ён-атрофга шубҳали қараганча, олдига яқинлашган кишига нимадир узатди. Шу дамда осойишталик посбонлари воқеа жойида ҳозир бўлиб, “Маданият” маҳалла фуқаролар йиғинида яшовчи, ҳеч қаэрда ишламайдиган Ў. М.нинг “шартли харидор”га нимани узатганига ойдинлик киритишди. Буни қарангки, фуқаро Ў. М. харидорга узатган гугурт қутисидаги ўткир ҳидли модда марихуана гиёҳвандлик моддаси бўлиб чиқди. Уни 500 минг сўмга сотишни ният қилган экан.
Катта сержант Ҳусан Бўрибоэв хизмат ити билан унинг олдига яқинлашганда “Бетховен” безовталаниб, гумон қилинувчи шахс томон талпина бошлади. Холислар иштирокида Ў.М.нинг кийимлари кўздан кечирилганида унинг ёнида сотиш учун мўлажалланган яна 3,73 грамм марихуана борлиги аён бўлди.
Хуллас, катта сержант Ҳусан Бўрибоэв жамоада ўз ўрнига эга бўлган, фидойи ходимлардан биридир.
Фозилжон Мамашарипов,
“Постда” мухбири.
Жиззах вилояти.