Танловда вилоят ИИБ Эксперт-криминалистика маркази, шаҳар-туман ички ишлар бошқарма ва бўлимлари эксперт-криминалистика гуруҳлари ходимларининг касбий билим, тажриба ва маҳорати тест синови, суҳбат ҳамда АКМ ва ПМ жанговар қуролларини тўлиқсиз қисмларга ажратиш ва йиғиш бўйича ҳакамлар ҳайъати томонидан баҳолаб борилди. Бундан ташқари, иштирокчиларнинг соҳага оид махсус билими, жиноятни фош этишда олиб борган тадқиқотлари натижалари, иш ҳужжатларини юритиши кабилар ҳам танловда эътиборга олинди.
Кўрик-танлов якуний натижаларига кўра, Қарши шаҳар ИИОФМБ Эксперт-криминалистика бўлими эсперти, капитан Элдорбек Бозоров ғолибликни қўлга киритди. Навбатдаги совринли ўринларни вилоят ИИБ Эксперт-криминалистика маркази катта эксперти, катта лейтенант Абдираззоқ Худойбердиев ва Кўкдала тумани ИИБ эксперт-криминалистика гуруҳи катта эксперти, лейтенант Фузайл Мардонов эгаллади.
Ғолиблар танловнинг республика босқичида иштирок этади.
Содиқ РАҲИМОВ,
“Постда” мухбири.
Қашқадарё вилояти.