Дил изҳори

Ҳар бир якунига етган йил кишини қандай натижаларни қўлга киритгани борасида сарҳисобга чорлайди. Мен ҳам ортимга назар ташлаб, бир йиллик фаолиятимни таҳлил этдим. Ўйлаб қарасам, устозларимдан ўрганганларимни хизматга татбиқ этиб, тавсия ва маслаҳатларига амал қилиб кам бўлмабман.

Ўтган йилда бир қатор мақолаларим халқаро журналларда чоп этилди. МДҲ миқёсида ташкил этилган конференсияларда, халқаро тан­ловларда қатнашиб, «Ўз касбининг фидоийси», «Таълим ифтихори» кўкрак нишонлари билан тақдирландим. Шу йили севган инсонимга турмушга чиқдим, уй-жойли, машинали бўлдик. Турмуш ўртоғим Хитойнинг нуфузли юридик компаниясининг юртимиздаги вакиллиги раҳбари этиб тайинландилар.

Кириб келган янги йилда ҳам режаларим улкан. Авваламбор, элимиз осойишталигини таъминлаш йўлида бор билим ва имкониятларимни ишга солиб хизмат қиламан. Қола­верса, илмий изланишларимни ҳам давом эттираман. Ният холис бўлса, албатта, амалга ошади, дейишади. 

 

Севара ФАЙЗУЛЛАЕВА,

лейтенант.