Вилоят ИИБ эксперт-криминалистика хизмати ва унинг қуйи тизимлари ходимлари ўртасида “Энг яхши эксперт-криминалист” кўрик-танловининг вилоят босқичи ўтказилди. Танловда ходимлар тест синовлари топширишди. “Калашников” автомати ва “Макаров” пистолетини тўлиқсиз қисмларга ажратиш ва йиғишга ҳамда эксперт-криминалистика фаолиятига оид эгаллаган билимлари ишчи гуруҳ аъзолари томонидан баҳоланди.
Танловда вилоят ИИБ эксперт-криминалистика маркази катта эксперти, подполковник Бунёд Ҳамроев биринчи ўринни эгаллади ва кўрик-танловнинг республика босқичига йўлланмани қўлга киритди. Кейинги ўринларни Когон шаҳар ИИБ эксперт-криминалистика гуруҳи катта эксперти, лейтенант Достонбек Раҳимов ҳамда Бухоро шаҳар ИИОФМБ эксперт-криминалистика бўлинмаси эксперти, капитан Сарвар Рашидов эгаллади.
Э.РАДЖАБОВ,
подполковник.
Бухоро вилояти.