Ўзбекистон Республикаси ИИВ ташаббуси асосида “Жар” спорт-соғломлаштириш мажмуасида “Нурли маскан” ихтисослаштирилган мактаб-интернатлари ўқувчилари ўртасида “Матонат” спорт мусобақалари ва китобхонлик беллашувлари бўлиб ўтмоқда.
Мусобақада юртимизнинг турли ҳудудларидан келган 102 нафар мактаб-интернати ўқувчилари шахмат, шашка, югуриш, узунликка сакраш, кураш бўйича спорт мусобақалари ва “Баҳру байт”, “Ёш китобхон”, “Тез айтиш” шартлари асосида китобхонлик беллашувларида иштирок этишмоқда. Уларнинг ҳаракатини, интилишини кузатиб, кўриш қобилияти чекланган бўлсада қалб кўзи очик бу инсонлардан кўп нарса ўрганиш мумкинлигини ҳис қиласин киши. Зеро уларнинг ҳар бири куни жасоратга тенг.