Бухоро вилояти ИИБ ТВБСО ходимлари халқимизнинг тинчлик-осойишталигини сақлаш ва қонун устуворлигини таъминлаш баробарида, спортда эришган ютуқлари ҳам таҳсинга лойиқ. Яқинда Қозон шаҳрида бўлиб ўтган самбо бўйича халқаро мусобақада уч нафар ходим иштирок этиб, икки нафари фахрли ўринларни олиб қайтишди.
Кичик сержант Убайдулло Мўминов 71 кг вазн тоифасида “БРИCС” ўйинлари бўйича биринчи ўринни олди ва олтин медални қўлга киритди. Катта сержант Нурбек Тўраев эса +100 кг вазн тоифасида иккинчи ўрин ҳамда кумуш медалга лойиқ кўрилди.
Ҳар иккаласи 2024-йил 27-июн1-июл кунлари Хитой давлатининг Макао шаҳрида бўлиб ўтадиган Осиё ва Океания чемпионатларида қатнашиш учун йўлланмани қўлга киритишди. Ишонамизки, улар бу мусобақада ҳам Ватанимиз байроғини яна бир карра баланд кўтаришади.
Алишер НАЗАРОВ,
маёр.
Бухоро вилояти.