Андижонда “Андижон вилояти кубоги” учун эркаклар ва аёллар жамоалари ўртасида волейбол бўйича турнир бўлиб ўтди.
Мусобақада вилоят ИИБ ва олий таълим муассасалари терма жамоалари ҳамда вилоят туманларидан келган жамоалар иштирок этишди.
Мусобақа якунларига кўра, эркаклар жамоалари ўртасида биринчи ўринни “Кезар” (Андижон шаҳри) спорт клубининг терма жамоаси, иккинчи ўринни Андижон вилояти ИИБ спортчилари эгаллаган бўлиб, Андижон давлат университети жамоаси шоҳсупанинг учинчи поғонасидан ўрин олди.
Хотин-қизлар ўртасида Андижон давлат педагогика институти жамоаси ғолиб деб топилди, иккинчи ўринни Балиқчи тумани спортчилари, учинчи ўринни эса Марҳамат туманидан келган волейболчилар қўлга киритишди.
Турнир ғолибларига кубоклар ва совриндорларга дипломлар тантанали равишда топширилди.
Борис КЛЕЙМАН.