Бир неча кунлик чақалоқни онаси Флорида кўчаларидаги ахлат қутиларидан бирида қолдириб кетди. Митти Фреддини касалхонага олиб кетишди ва 13 кун ўтмай уни Куинси шаҳридаги бир оила асраб олди. Натан ва Бетти Фиггерслар бир қизи бўлишига қарамай, янгиликларда ташландиқ бола ҳақида эшитиб, уни фарзанд қилиб олишга қарор қилишди.
13 ёшли Фредди илк ишини компютерларни таъмирлайдиган корхонада бошлади. Ўзининг биринчи Фиггерс Cомпутерс компаниясига эса 15 ёшида асос солди. 17 ёшида маълумотларни сақлаш учун серверлар ва сайтларга буюртма берувчи 150 та мижозга эга бўлди.
Кейинчалик Фредди ўз туққан онасини излаб топди ва унинг учига чиққан гиёҳванд эканини кўриб, бошқа кўришмасликка аҳд қилди. Қаҳрамонимиз 20 ёшдан ўтганида унинг отаси Алъсгеймер хасталигига чалинди. Шунда Фредди алоқа функсиясига эга ГПС-трекерни ишлаб чиқди ва мосламани отасининг поябзалига жойлаштирди. Шу йўл билан у ҳар доим отасининг қаэрда эканини билиб оларди. Кейинчалик мазкур мослама деменсияга учраган кўпгина одамларга нажот ўрнида хизмат қилди.
Фредди Фиггерс 25 ёшгача 80 дан зиёд дастурий таъминотларни ишлаб чиқиб, бешта патент олишга эришди. У кам таъминланган оиладан чиққан талабаларга стипендия тақдим этадиган ҳамда уйсизларга ёрдам кўрсатиб, табиий офатлар чоғида жабрланганларни қўллаб-қувватлайдиган хайрия жамғармасини ташкил қилди. Шундай қилиб, қачонлардир ташлаб кетилган гўдак бугунги кунда муваффақиятли бизнесменлардан бирига айланди.
Гулчеҳра АЗИМОВА тайёрлади.