Ҳозирда қонуний асосда ахборот хавфсизлиги билан шуғулланадиган, Ақшда истиқомат қилувчи Кевин Митникнинг бир пайтлар хакерлик билан шуғулланганлигини, шу қилмиши учун қамалиб чиққанлигини кўпчилик билавермайди.
Гап шундаки, Кевин Митник 16 ёшида компютер билан танишгач, унга жуда боғланиб қолади. Уни мукаммал ўрганиб олгач, Пентагон ва Колорадо штати ҳаво ҳужумига қарши мудофаа тизими тармоқларини бузиб киради.
Лекин унинг ноқонуний фаолияти тезда ошкор бўлди. Ҳуқуқ-тартибот идоралари томонидан қўлга олиниб, иши судга оширилди. Суд унга беш йиллик қамоқ жазоси тайинлайди. У жазони ўтаб, озодликка чиққач, ўзини беш йилга қамаганлардан антиқа усулда ўч олди. Яъни Кевин яна “ҳунарини ишга солиб”, ўзининг қамалиб чиққанлиги ҳақидаги маълумотларни давлат рўйхатидан ўчириб ташлади. Бу ҳам камлик қилгандек, ўзига ҳукм ўқиган судянинг ҳисобидан барча пулини ечиб олган.